Gitambongan sa Lanao del Norte Police Provincial Office (LDN PPO), ubos sa pagpanguna ni Provincial Director PCOL Leo De Leon Sua nga girepresentahan ni PLTCOL Kaddafy P. Bitor, DPDA, ang State of the Municipal Address (SOMA) ni Mayor Sonia A. Arnado ug State of the Legislative Address (SOLA) ni Vice Mayor Rommel C. Arnado niadtong Oktubre 12, 2026, sa Kauswagan International Organic Convention Center, Barangay Tacub, Kauswagan, Lanao del Norte.
Gitambongan usab ang kalihokan sa mga department head, empleyado sa lokal nga pangagamhanan, mga opisyal sa munisipyo ug barangay, ug mga representante sa Philippine Army, Bureau of Fire Protection (BFP), Philippine Coast Guard (PCG), Philippine National Police (PNP), ug uban pang sektor.
Nahimong plataporma ang SOMA ug SOLA sa pagpresentar sa mga nahimo sa lokal nga pangagamhanan, mga inisyatiba sa lehislatura, mga prayoridad sa kalamboan, ug umaabot nga mga plano.
Gipakita sa pag-apil sa LDN PPO ang padayong suporta niini sa mga programa sa lokal nga pangagamhanan, ilabina sa pagmintinar sa kalinaw ug kahusay, kaluwasan sa publiko, ug pagpalambo sa komunidad pinaagi sa mas lig-on nga koordinasyon ug kooperasyon sa mga ahensiya ug stakeholders.
Photo Courtesy: PNP Lanao del Norte
