Arestado ang duha ka lalaki nga planong magdeliver sa P3.9 milyon nga drogang shabu sa Lanao del Sur ug Iligan City human nabitik sa PDEA Lanao del Sur Provincial Office, sa koordinasyon sa PNP Drug Enforcement Group (PDEG), Saguiaran Municipal Police Station, 1st Provincial Mobile Force Company (PMFC), 1403rd Regional Mobile Force Battalion (RMFB), ug Lanao del Sur Provincial Intelligence Unit atol sa buy-bust operation niadtong Oktubre 10, 2026 sa Poblacion, Saguiaran, Lanao del Sur.
Giila ang mga suspek nga sila alyas “Anwar/Pado,” 37 anyos, minyo, ug “Triks,” 45 anyos, minyo. Subay sa report, ang maong mga suspek gidudahang nag-apod-apod sa ilegal nga droga sa mga kasikbit nga lungsod sa Lanao del Sur ug sa Iligan City.
Atol sa operasyon, nasakmit ang upat ka transparent plastic bag nga gihigot sa tumoy ug duha ka pakete sagidudahang shabu, nga mitimbang og 587 gramos nga nagkantidad og ₱3,991,600 ug lakip nga nasakmit ang usa ka cellphone ug ang kwarta nga gigamit sa buy-bust operation.
Sa pagkakaron, ang mga suspek pasakaan og kaso tungod sa giingong paglapas sa Section 5, Article II sa Republic Act No. 9165, o Comprehensive Dangerous Drugs Act of 2002.
Photo Courtesy: Saguiaran MPS
