Giaprobahan atol sa sesyon sa Tabogon Sangguniang Bayan ang pipila ka mga resolusyon nga magda og dugang kalamboan sa lungsod sa mosunod nga mga tuig.
Usa sa labing importanteng gipasar mao ang Annual Investment Program (AIP) sa LGU Tabogon alang sa Calendar Year (CY) 2027, nga mao’y magsilbing sumbanan sa mga pundo ug proyekto sa lungsod sa sunod tuig.
Gawas niini, giaprobahan usab ang singko milyones pesos nga Financial Assistance, Paghangyo og pundo gikan sa Cebu Provincial Government alang sa pagtukod sa Tabogon Teen Center.
Lakip ang pag-endorso sa aplikasyon alang sa pagtukod ug operasyon sa usa ka gasolinahan sa Purok Nangka, Brgy. Ilihan.
Pinaagi niining mga bag-ong resolusyon, nagpabilin ang lig-on nga tinguha sa Sangguniang Bayan sa paghimo og mga maalamon ug responsable nga polisiya.
Photo Courtesy: Wikipedia
