Giawhag karon ni Metropolitan Cebu Water District (MCWD) General Manager Atty. John Dx Lapid ang tanang Sugboanon nga mangandam sa krisis nga dala sa nagsingabot nga “Super El Niño”.
Sa gipahigayon nga monitoring ug pakig-alayon sa Philippine Atmospheric, Geophysical and Astronomical Services Administration (PAGASA), gilauman nga masinati na sa Metro Cebu ang grabeng epekto sa huwaw sugod niining ika-tulong semana sa Oktubre 2026.
Matod ni Lapid, bisan pa man og duna pay nabilin nga tubig sa mga kasapaan gumikan sa mga nangaging ulan, hinay-hinay na kining mokunhod sa mosunod nga mga adlaw.
Gilauman nga molungtad ang maong krisis hangtod pa sa Mayo sa sunod nga tuig.
Photo Courtesy: MCWD FB
