Nadakpan ang usa ka hamtong nga lalaki nga residente sa lungsod sa Siay, Zamboanga Sibugay, atol sa buy-bust operation nga gipahigayon sa kapulisan alas 10:45 sa gabii niadtong Oktubre 13, 2026.
Gipahigayon ang operasyon sa mga personahe sa Siay Municipal Police Station pinaagi sa kanilang Special Drug Enforcement Team o SDET, kauban ang mga miyembro sa 106th Infantry Battalion, Charlie Company, Philippine Army.
Nakumpiskar sa operasyon ang lima ka heat-sealed transparent plastic sachet nga adunay puti nga kristal nga substansiya nga gidudahang shabu. Gibana-bana nga 0.8 gramos ang kinatibuk-ang gibug-aton niini, nga adunay standard drug price nga lima ka libo upat ka gatos kap-atan ka pesos. Narekober usab ang usa ka 500-peso bill nga gigamit isip marked money, usa ka pakete sa Winston cigarettes, duha ka disposable lighter, usa ka lukot nga aluminum foil ug usa ka itom nga sling bag.
Gidala ang dinakpan sa Siay Municipal Police Station alang sa hustong disposisyon, samtang ang mga nakumpiskar nga gidudahang droga gidala sa Zamboanga Sibugay Provincial Forensic Unit alang sa eksaminasyon. Padayon ang proseso subay sa balaod kalabot sa maong kaso.
