Nagpahigayon ang Bureau of Fisheries and Aquatic Resources Region 9 o BFAR-IX, pinaagi sa Provincial Fisheries Office sa Zamboanga Sibugay, sa National Qualifying Examination alang sa Fisheries Scholarship Program niadtong nakalabay nga adlaw sa Ipil Central Elementary School, Ipil, Zamboanga Sibugay.
Gitumong sa maong eksaminasyon nga mahatagan og oportunidad ang mga kwalipikadong estudyante nga nangandoy nga mahimong fisheries scholars aron makapadayon sa ilang pag-eskwela sa natad sa pangisdaan ug aquaculture.
Pinaagi sa maong scholarship program, gilauman nga mas daghang kabatan-onan ang makabaton og kahigayonan nga makakuha og edukasyon ug kahibalo nga may kalabotan sa fisheries sector. Importante kini sa pag-andam sa mga umaabot nga propesyonal nga makatampo sa malungtarong pagdumala ug pagpalambo sa mga kahinguhaan sa katubigan.
Padayon ang BFAR-IX ug ang Provincial Fisheries Office sa Zamboanga Sibugay sa pagpalig-on sa mga programa nga mosuporta sa edukasyon ug sa pagpalambo sa sektor sa pangisdaan. Gilauman nga pinaagi niini, mas daghang batan-ong Sibugaynon ang makabaton og oportunidad alang sa mas maayong kaugmaon.
