Gibisita ang Tigpalay Falls sa lungsod sa Tungawan, Zamboanga Sibugay, uban si kanhi Mayor Carlnan Climaco aron susihon ang potensyal niini alang sa umaabot nga pagpalambo sa turismo.
Dili lamang tumong sa maong inisyatiba nga mas mailhan ang Tigpalay Falls, kondili aron usab makamugna og dugang oportunidad alang sa lokal nga mga negosyo, panginabuhian ug mga trabaho nga may kalabotan sa turismo sa komunidad.
Lakip sa gitan-aw nga mga plano ang pagpaayo sa agianan padulong sa maong talon aron mas sayon ug komportable ang pagbisita sa mga turista. Gitinguha usab nga mapalambo ang kasinatian sa mga bisita samtang gipreserbar ang natural nga katahom sa Tigpalay Falls.
Pinaagi sa padayon nga pagpalambo sa potensyal sa turismo sa Distrito Dos, gilauman nga mas daghang oportunidad ang mahatag sa mga pamilya ug komunidad. Kabahin kini sa paningkamot nga mapalambo ang lokal nga turismo ug mapalapad ang panginabuhian sa mga Sibugaynon ubos sa kampanyang DocMarlyHELPS.
