Patay diha-diha ang duha ka drayber sa motorsiklo human magbangga ang ilang gimanehong mga sakyanan pasado sa Barangay Fuente, lungsod sa Carmen, lalawigan sa Sugbo.
Giila ang mga namatay nga sila si Mark Awing, 29 anyos, drayber sa Mitsokushi nga motorsiklo, ug Marlon Rabadillo, hingkod ang pangedaron, nga nagmaneho sa Raider.
Sumala sa imbestigasyon sa Carmen Police Station, kusog ang dagan sa duha ka motorsiklo sa wala pa mahitabo ang bangga. Gituohang usa sa mga motorsiklo ang misulay og overtake sa laing sakyanan hangtod nga nagkasugat ug nagbangga ang duha.
Tungod sa kakusog sa impact, nangalagpot sa ilang mga motorsiklo ang duha ka drayber.
Dali sab nga mitubag ang mga personahe sa Carmen Police Station human makadawat og tawag kabahin sa maong disgrasya, apan patay na ang duha ka biktima sa pag-abot sa mga pulis.
