Gipahimangnoan sa City Civil Registrar’s Office o CCRO sa Iligan City ang publiko sa kamahinungdanon sa hustong pagparehistro sa pagkatawo, kamatayon ug kasal aron maseguro ang opisyal nga rekord ug malikayan ang problema sa mga legal nga transaksiyon.
Matod ni Atty. Yussif Don Justin F. Martil, hepe sa CCRO-Iligan, giawhag ang mga ginikanan nga iparehistro ang pagkatawo sa ilang anak sulod sa 30 ka adlaw, samtang ang kamatayon ug kasal kinahanglan usab nga marehistro subay sa gitakdang proseso.
Gipahinumdoman usab ang publiko nga susihon pag-ayo ang mga detalye sa ilang dokumento aron malikayan ang mga sayop ug kalangan sa umaabot nga transaksiyon.
Alang sa dugang impormasyon sa mga kinahanglanon ug proseso, mahimong moduol sa CCRO-Iligan.
