Nadakpan sa mga kapulisan ang giila nga Top 1 Regional Most Wanted Person nga giilang si alyas “Ral,” 22 anyos, lalaki, minyo, ug residente sa Ormoc City human nga giatubang ang kasong rape didto sa Barangay Dolores, Ormoc City niadtong nakalabay nga adlaw.
Sumala pa sa imbestigasyon sa kapulisan, nasikop ang suspek pinasikad sa Warrant of Arrest nga giisyu niadtong Setyembre 29, 2026, kalabot sa kasong rape ubos sa Article 266-A sa Revised Penal Code.
Human sa pagdakop, gipahibalo ang dinakpan sa hinungdan sa iyang pagdakop ug sa iyang mga katungod subay sa Miranda Doctrine, gamit ang pinulongang iyang nasabtan.
Gidala ang dinakpan sa OCPS5 alang sa dokumentasyon ug dugang nga proseso subay sa gitakdang mga balaod ug pamaagi.
Photo courtesy: OCPS 5
