Gipalig-on sa City Government of San Carlos ang paghatod sa serbisyong sosyal pinaagi sa bag-ong Mitsubishi L300 van nga gitugyan sa City Social Welfare and Development Office (CSWDO) niadtong Oktubre 12, 2026.
Gipangulohan ni City Administrator Atty. Estefanio S. Libutan Jr. ang turnover sa sakyanan nga gipondohan pinaagi sa 2025 Capital Outlay sa City Mayor’s Office.
Matod sa CSWDO, makatabang ang sakyanan sa paghatod og tabang sa mga nanginahanglan, pagpatuman sa mga programa, ug pagbiyahe sa mga benepisyaryo sa UPLIFT Program, lakip ang ilang pag-adto sa SWAD office.
Gilaoman nga mapadali sa bag-ong sakyanan ang operasyon sa opisina ug malikayan ang kanunay nga pagpanghulam og sakyanan sa ubang departamento.
Photo courtesy: San Carlos City, Neg. Occ. -LGU Information Page
