Nagpahigayon og information drive ang San Carlos City District Jail sa kampanya batok sa illegal nga droga ug violent extremism sa San Carlos City Public Plaza, Negros Occidental, niadtong Oktubre 12, 2026.
Gipangunahan ni Acting District Jail Warden JCINSP Joaquin Jude G. Ledesma ang pag-apod-apod sa mga leaflet sa National Task Force to End Local Communist Armed Conflict o NTF-ELCAC, lakip ang Buhay Ingatan, Droga’y Ayawan o BIDA Program.
Tumong sa kalihokan nga mapalambo ang kahibalo ug partisipasyon sa publiko alang sa malinawon, luwas, ug drug-free nga komunidad. Giawhag usab ang pagpadayon sa mga information campaign sa mga pampublikong lugar aron mas daghang lumulupyo ang maabot sa mga programa sa gobyerno.
Photo courtesy: BJMP San Carlos City District Jail
