Boluntaryong gitahan ang 13 Ka armas ngadto sa kapulisan sa region sa Caraga. Sumala kang PBGen Rolindo M. Suguilon, direktor sa Police Regional Office 13, sa listahan adunay tulo sa Agusan del Norte Police Provincial Office, upat sa Agusan del Sur Police, Lima sa Butuan City Police Office, ug usa sa Surigao del Sur Police Provincial Office.
Ang maong mga armas anaa na karon sa kustodiya sa nagkadaiyang yunit sa kapulisan. Giawhag ni PBGen Suguilon ang publiko nga boluntaryong motugyan sa ilang mga armas nga walay lisensya, lakip na ang mga armas nga expired na ang lisensya, aron malikayan ang posibleng silot nga sangpotanan.
Dugang pa sa opisyal, ang pagpanag-iya og armas nga walay tukmang lisensya mahimong hulga sa kalinaw, kahusay ug seguridad sa komunidad. Busa, nag-awhag kini sa publiko nga mosunod sa balaod ug makigtambayayong sa kapulisan aron mapadayon ang kaluwasan sa tibuok rehiyon sa Caraga.
