Personal nga nahimamat nila Surigao del Norte Vice Governor Eddie Geed D. Gokiangkee Jr., ug Surigao City Mayor Paul Dumlao II, si Philippine Ambassador to the Netherlands Eduardo Malaya, atol sa ilang pagbisita sa Philippine Embassy sa Netherlands.
Nahimong higayon ang maong pagbisita aron magbinayloay og makahuluganon nga mga panaghisgot, ilabina sa pagpalig-on sa relasyon ug kooperasyon alang sa pagpalambo sa negosyo ug turismo sa probinsya.
Gilauman nga pinaagi sa maong panagtagbo, mas mapalapdan pa ang mga oportunidad sa pagpasiugda sa lokal nga mga produkto, pagdani sa mga mamuhunan ug pagpalambo sa turismo sa probinsya.
Gipasiugda usab sa maong kalihokan ang papel sa diplomasya sa Pilipinas sa pagpalig-on sa relasyon sa ubang nasud ug sa pag-abli sa dugang oportunidad alang sa lokal nga ekonomiya.
Photo courtesy: Geed Gokiangkee
