Gidala sa balay tambalanan ang usa ka mag-uuma human giingong gidunggab sa 31-anyos nga lalaki sa Barangay Pantad, Lapuyan, Zamboanga del Sur, mga alas 9:00 sa gabii, Oktubre 11, 2026.
Base sa inisyal nga imbestigasyon sa Lapuyan Municipal Police Station, nagsugod ang insidente human gihangyo sa biktima ang suspetsado nga mohunong sa pagsinggit ug pagsamok-samok sa mga silingan.
Giingong gisundan sa suspetsado ang biktima sa duol nga tindahan ug gidunggab kini sa tuo nga bahin sa dughan nga dayon usab nga mikalagiw paingon sa kasikbit nga umahan.
Gidala ang biktima sa Rural Health Unit alang sa dinaliang pag-atiman apan gibalhin ra usab dayon sa Margosatubig Regional Hospital alang sa dugang nga pagtambal.
Samtang, nadakpan ra usab sa mga concerned citizen ang suspetsado ug giturn-over sa mirespondeng pnp personnel diin nare-cover usab ang usa ka kutsilyo nga giingong gigamit sa suspetsado sa kremin.
Sa karon nakakustudiya na sa Lapuyan Municipal Police Station ang suspetsado alang sa tukmang legal nga aksiyon.
Photo courtesy: ZSPPO-PIO
