Padayon na ang pagdesinyo ug pag-instalar sa mga Christmas lights ug dekorasyon sa Giant Holiday Tree sa dakbayan sa Tagum isip pagpangandam sa umaabot nga pagsaulog sa Pasko.
Gipahibalo sa lokal nga panggamhanan sa maong syudad nga nagpadayon ang pagbutang sa mga suga ug nagkalain-laing dekorasyon aron mas mapasanag ug mahimong mas malipayon ang pagsaulog sa kapaskuhan ubos sa temang #PaskoSaTagum.
Gilaoman usab nga daghang mga residente ug bisita ang magpaabot sa opisyal nga pagpasiga sa higanteng Christmas tree nga kabahin sa tradisyon sa dakbayan sa pagtimaan sa pagsugod sa Christmas season.
Sa pagkakaron, nagpadayon ang pagpangandam aron masiguro nga ang mga dekorasyon mahimong makadugang sa kasadya ug kahayag sa Pasko sa Tagum City.
Photo Courtesy: LGU-Tagum
