Gipatuman na sa Department of Education o DepEd-Caraga, ang paggamit sa transparent bags sa mga estudyante isip dugang security measure sulod sa mga eskwelahan sa rehiyon.
Sumala ni DepEd-Caraga spokesperson Pedro Tecson, dugay na kining polisiya sa ahensya bisan sa wala pa gipagawas ang DepEd Order 006 nga may kalabotan sa maong security measure.
Tumong niini nga mas mapalig-on ang seguridad sa mga estudyante ug personnel sa sulod sa school campuses, ilabina human sa sunod-sunod nga insidente sa pagpamusil sa pipila ka mga eskwelahan sa nasud.
Pinaagi sa transparent bags, mas sayon alang sa mga security personnel ug school authorities ang pagtan-aw sa mga dala sa mga estudyante sa ilang pagsulod sa eskwelahan.
