Pormal na nga nagpungko si Colonel Manuel Leo Q. Gador sa posisyon bilang bag-o nga commander sang 603rd Infantry “Persuader” Brigade sang Philippine Army sa ginpatigayon nga Change of Command Ceremony sang Oktubre 7, 2026, sa Brigade Headquarters sa Barangay Milbuk, Palimbang, Sultan Kudarat.
Ginbuslan ni Gador si Colonel Glenn Loreto T. Caballero sa pagpangulo sang brigada. Samtang, ginpangunahan ang seremonya ni Brigadier General Ricky P. Bunayog, Acting Commander sang 6th Infantry Division kag Joint Task Force Central.
Sa nasambit nga seremonya, ginkilala ni Bunayog ang mga nahimo sang brigada sa idalom sang pagpangulo ni Caballero, lakip ang pagsurender sang isa ka political instructor sang New People’s Army sang Setyembre 25.
Nagpangabay si Bunayog sa mga katapo sang brigada nga suportahan ang bag-o nga commander kag ipadayon ang ila katungdanan sa pagmintinar sang kalinong, seguridad kag kauswagan sa ila nasakupan.
