Nadakpan sa mga operatiba sa Criminal Investigation and Detection Group o CIDG ang usa ka 28-anyos nga lalaki wanted sa probinsya sa Dinagat Islands tungod sa kasong pagpatay, sa San Jose, Dinagat Islands.
Gikasa ang operasyon sa, pinaagi sa CIDG Dinagat Islands Provincial Field Unit, kauban ang San Jose Municipal Police Station ug sa suporta sa RIU 13 PIT-Dinagat.
Sumala sa report, ang suspek notadong Top 5 Most Wanted Person ug residente sa Surigao City, natultolan kini sa probinsya pinaagi sa e-Warrant System.
Gipatuman batok kaniya ang warrant of arrest nga giisyu sa Regional Trial Court Branch 32 sa San Jose, Dinagat Islands, alang sa kasong paglapas sa Article 248 sa Revised Penal Code o murder, diin walay girekomendar nga piyansa.
Gihimo ang operasyon ubos sa “Oplan Pagtugis”, nga nagtinguha sa pagdakop sa mga indibidwal nga adunay mga kasong giatubang ug gipangita sa balaod.
Gidala ang suspek sa CIDG Dinagat Islands Provincial Field Unit alang sa dokumentasyon ug hustong disposasyon sa iyang kaso.
