Gipalig-on sa Cabadbaran Component City Police Station ang kampanya batok sa ilegal nga droga pinaagi sa pagpahigayon og pulong-pulong ug dayalogo sa mga personahe sa Cabadbaran Children’s Park.
Gipangulohan ni PLTCOL Edsel M. Caramonte, HEPE sa maong estasyon, ang kalihokan diin gipasiugda ang kamahinungdanon sa aktibong pag-apil, pagkamabinantayon ug pagsunod sa mga polisiya ug pamaagi sa kapulisan sa paglikay, pag-ila ug pagsumpo sa ilegal nga kalihokan nga may kalabotan sa droga.
Gipahinumdoman usab ni pltcol. Caramonte ang mga personahe nga magpabiling alerto ug aktibong motaho sa mga impormasyon kalabot sa ilegal nga droga sa tagsa-tagsa nilang lugar nga gialagaran.
Tumong sa maong kalihokan nga palig-onon ang panaghiusa sa mga personahe sa pagpatuman sa kampanya batok sa ilegal nga droga ug pagmintinar sa malinawon, luwas ug drug-free nga komunidad sa dakbayan sa Cabadbaran.
