Nasikop sa mga operatiba sa City Investigation and Detection Management Unit (CIDMU) ang usa ka 49-anyos nga lalaki nga Top 3 Most Wanted Person (MWP) sa Municipal Level atol sa operasyon sa Barangay Tisa, Cebu City.
Wanted Ang suspek tungod sa paglapas sa Republic Act No. 7610 o Special Protection of Children Against Abuse, Exploitation and Discrimination Act. Nadakpan kini pinaagi sa Warrant of Arrest nga giisyu sa Regional Trial Court Branch 24 sa Cebu City.
Gipangulohan ni PLT Dember Tuyor ang operasyon ubos sa CIDMU sa Cebu City Police Office (CCPO), nga gipangulohan ni PCOL Ricky C. Sumalde isip Acting City Director.
Human sa pagdakop, gidala ang suspek sa CIDMU alang sa dokumentasyon ug tukmang disposisyon.
Photo Courtesy: Cebu City PNP
