Nasikop ang duha ka indibidwal sa mga personahe sa Inayawan Police Station 7 atol sa anti-illegal gambling operation sa Sitio Plus, Barangay Inayawan, Dakbayan sa Sugbo. Ang operasyon gihimo human makadawat ang mga awtoridad og impormasyon bahin sa iligal nga pa-number game nga “Swertres.”
Usa sa mga nasikop giingong modawat ug mopadagan sa pusta, samtang ang usa giingong mipusta. Narekober sa mga pulis ang mga materyales nga may kalabotan sa sugal, lakip ang sinulat nga rekord sa mga numero ug pusta, itom nga bolpen ug uban pang ebidensiya.
Gidala ang duha sa Inayawan Police Station 7 alang sa dokumentasyon ug booking procedures, samtang nag-andam sa pagpasaka og tukmang kaso tungod sa paglapas sa Republic Act No. 9287 ug Presidential Decree No. 1602.
Photo Courtesy: PNP Inayawan Police Station 7, Cebu City Police Office
