Arestado ang usa ka Top 1 Municipal Most Wanted Person sa kasong Acts of Lasciviousness sa hiniusang pwersa sa kapulisan sa pagpanguna Linamon Municipal Police Station, kaabag sa Lanao del Norte Police Provincial Office (LDN PPO) atol sa pagpatuman sa warrant of arrest sa Davao City sa may alas7:40 sa buntag niadtong Oktubre 9, 2026.
Giila ang suspek nga usa si alyas “Rod” lalaki, minyo ug residente sa Purok 6, Barangay Robocon, Linamon, Lanao del Norte ug nalista isip Top 1 Municipal Most Wanted Person.
Subay sa report, ang suspek nalutsan sa warrant of arrest tungod sa kasong Statutory Acts of Lasciviousness ubos sa Article 336 sa Revised Penal Code, in relation to Section 5(b) sa Republic Act No. 7610 o Special Protection of Children Against Abuse, Exploitation and Discrimination Act nga adunay girekomenda nga piyansa nga P180,000 nga giisyu ni Judge Ali Arassad Macarampat Macumbal, Presiding Judge sa Regional Trial Court, Branch 2, 10th Judicial Region sa Iligan City, ubos sa Criminal Case No. 26-33402 nga gipetsahan niadtong Setyembre 18, 2026.
Sa pagkakaron, anaa na sa kustodiya sa Linamon MPS ang nadakpan alang sa dokumentasyon ug tukmang disposisyon sa kaso.
Photo Courtesy: PNP Lanao del Norte
