Nadakpan ang usa ka lalaki nga namaligya sa drogang shabu sa hiniusang pwersa sa kapulisan sa pagpanguna sa Iligan City Police Station 4, ubos sa pagdumala ni PMAJ Reiner R. Escalante, OIC, kauban ang Iligan City Mobile Force Company o ICMFC ug Philippine Drug Enforcement Agency Region 10 o PDEA-10 atol sa buy-bust operation sa may alas 12:58 sa kaadlawon niadtong Oktubre 9, 2026 sa Purok Riverside, Barangay Mahayahay, Iligan City.
Giila ang suspek nga usa ka lalaki, 45 anyos. Subay sa report, narekober sa nahimutangan sa suspek ang pito (7) ka gagmay nga pakete sa gituohang shabu, ug usa (1) ka sachet nga gigamit isip buy-bust item, lakip nga nakumpiska ang usa (1) ka medium ug duha ka dagkong plastic sachet sa gituohang shabu,
Gibana-ban nga nikabat sa 7.04 gramo ang kinatibuk-ang gibug-aton sa gituohang shabu nga nagkantidad og P47,872. Lakip usab sa mga nakumpiska ang duha ka P100 nga papel nga kuwarta nga gigamit isip buy-bust money, usa ka gipilo nga brown nga papel ug usa ka gipilo nga puti nga papel.
Sa pagkakaron, ang nadakpan nga suspek anaa sa kustodiya sa ICPS4- alang sa tukmang dokumentasyon ug pagpasaka sa angay nga kaso.
Photo Courtesy: ICPS1
