Nagpahinumdom ang Land Transportation Office Region 9, pinaagi sa LTO Ipil, sa tanang mga drayber nga ang kaluwasan sa dalan dili nagdepende sa kusog sa pagpadagan sa sakyanan, kondili sa disiplina ug respeto sa isigka-motorista.
Gidasig ang mga drayber nga maghinay-hinay sa pagpadagan, mosunod sa mga balaod sa trapiko ug magmatngon sa ilang palibot aron malikayan ang mga aksidente sa dalan.
Gipasiugda usab nga mas importante ang luwas nga pag-abot sa destinasyon kaysa sa paspas nga biyahe. Pinaagi sa responsableng pagdrayb ug pagrespeto sa ubang naggamit sa dalan, makatampo ang matag motorista sa pagmugna og mas luwas nga mga dalan sa Zamboanga Sibugay.
