Nadakpan ang usa ka lalaki nga adunay kasong reckless imprudence Resulting in Damage to Property sa hiniusang pwersa sa kapulisan sa pagpanguna sa Tracker Team sa Pantar Municipal Police Station o MPS atol sa gipatuman sa nga warrant of arrest sa may alas alas 4:00 sa hapon niadtong Oktubre 8, 2026 sa Barangay Campong, Pantar, Lanao del Norte.
Giila ang suspek nga si alyas “Abdul”, 31 anyos, minyo, walay trabaho ug residente sa Barangay Lumba Punod, sakop sa maong lungsod.
Subay sa report, ang suspek nalutsan sa warrant of arrest nga giisyu ni Judge Persel G. Esman, Presiding Judge sa Municipal Trial Court, Branch 2, Guagua, Pampanga, niadtong Abril 30, 2026 tungod sa giingong paglapas sa Article 365 sa Revised Penal Code o Reckless Imprudence Resulting in Damage to Property nga adunay piyansa nga P30,000 alang sa temporaryong kagawasan niini.
Sa pagkakaron, ang suspek gidala sa Pantar MPS alang sa dokumentasyon ug tukmang disposisyon.
Photo Courtesy: PNP Lanao del Norte
