Nakatalana sa Oktubre 16 tubtob 18, 2026, ang Municipal Musabaqah 2026 sa Madrasah Rajahbuayan Al-Islamie sa Barangay Tamnag, Lutayan, Sultan Kudarat. Ang aktibidad ginpangunahan sang Sultan Kudarat Office of Muslim Affairs ukon SKOMA, sa pakig-angot sang Lujinat Tarbiyyah wa Ta’leem Damakling Province.
Ang Municipal Musabaqah isa ka tinuig nga aktibidad sa Edukasyon Islamiko nga nagahatag sang oportunidad sa mga magtutun-an sang madrasah nga ipakita ang ila kaalam, ikasarang kag mga talento, samtang ginapalapnag ang kaayo sa edukasyon, paghiusa kag pagpasidungog sa kultura.
Ginasuportahan man ang aktibidad sang lokal nga panguluhan, Barangay Local Government Unit, Arrahmah Youth Development Council kag UNYPAD-Sultan Kudarat Chapter.
Gina-imbitar sang SKOMA ang mga stakeholder kag pumuluyo nga magsuporta sa sini nga inisyatibo para sa pagpauswag sang edukasyon Islamiko kag pagpalig-on sang pagbinuligay sa komunidad.
Ang aktibidad may tema nga, “Striving for Excellence in Knowledge and Taqwa.”
Photo courtesy: SKOMA- Sultan Kudarat Office of Muslim
