Magpatuman ang City Government of Panabo og upat ka adlaw nga onsite work arrangement, diin ang mga empleyado adunay Flexiplace-Work From Home (WFH) matag Biyernes.
Kini sumala sa Memorandum Order No. 1135, Series of 2026, nga gipagawas niadtong Oktubre 8, 2026, ug epektibo dayon hangtod nga kini bawion o usbon.
Apan gipatin-aw sa LGU-Panabo nga magpadayon sa duty ang mga personnel nga nagdumala sa essential, public safety, health, emergency, frontline ug operational services aron dili maapektuhan ang paghatag og serbisyo sa katawhan.
Lakip sa magpadayon og pisikal nga operasyon ang Public Order and Safety Section, Traffic Management and Development Section, City Health Office, Panabo City Infirmary, City Disaster Risk Reduction and Management Office, City Environment and Natural Resources Office, ug City Economic Enterprise Management and Development Office.
Apil usab ang ubang opisina nga gikinahanglan ang padayon nga pisikal nga presensya.
Photo Courtesy: Panabo-LGU
