VIRAL ‘FIRE TRIKE, GIKLARO SA BFP TAGUM NGA WALA GI-PROCURE SA ILANG BUHATAN‎

‎Giklaro sa Bureau of Fire Protection (BFP) Tagum nga wala gi-procure o palit ang nag-viral nga “fire trike”, apan dako matud pa kini ug tabang sa mga Purok ug barangay nga mahimong gamiton isip kapuli samtang nagpaabot sa standard fire truck o mga personahe sa BFP.
‎
‎Sumala ni Tagum City Fire Marshal Chief Fire Inspector Esequil M. Tabon, ang maong sakyanan gipalit isip inisyatibo sa mga Barangay o LGU.
‎
‎Dugang pa ni Tabon nga mahimo kining gamiton isip first responder alang sa mga lugar nga lisod sudlan sa dagkong fire truck, ilabina sa huot nga mga dalan ug eskinita, apan kinahanglan nga masiguro ang kalidad ug kalig-on niini aron makasugakod sa paggamit sa emerhensiya, ug angay nga ampingan sa mga adunay fire trike sa ilang purok o barangay.
‎
‎Gipasabot usab sa opisyal nga dili matud pa kini angay tamayon o kataw-an tungod makahatag kini og paunang responde sa komunidad panahon moulbo ang usa ka fire incident.