Nagpahigayon og Career Guidance, Information Drive ang mga kawani sa Bureau of Jail Management and Penology (BJMP), Tagum Female ug Male Dormitories batok sa armadong panagbangi, ug drug symposium sa Kapalong College of Agriculture, Sciences and Technology (KCAST) Oktubre 9, 2026.
Kabahin kini sa pagsaulog sa ika-15 nga Community Relations Service (CRS) Month sa BJMP. Tumong sa kalihokan nga ipaila sa mga estudyante ang mga oportunidad sa pagtrabaho sa BJMP, ipasabut ang mga programa sa gobyerno alang sa kalinaw ug seguridad, ug pahinumdoman sila sa daotang epekto sa ilegal nga droga.
Gipasiugda usab sa mga personnel ang kamahinungdanon sa responsableng pagdesisyon, pagserbisyo sa publiko, ug paglikay sa bisyo aron mapadayon ang himsog ug malinawon nga panginabuhi. Sumala pa nga pinaagi niini nga kalihokan, gipalig-on sa BJMP ang pakigtambayayong sa mga eskwelahan ug ang pagdasig sa mga batan-on nga mahimong responsable nga mga miyembro sa komunidad.
Nagpahinumdom usab kini sa padayong paningkamot sa ahensya sa pagpalapad sa kahibalo sa publiko ug pagpalambo sa mas luwas, malinawon, ug walay droga nga komunidad.
Photo Courtesy: BJMP Male
