Gilunsad ang pagtukod sa bodega ug pasilidad sa pagtipig sa cacao sa Kapalong Cooperative pinaagi sa groundbreaking ceremony ug pagpirma sa Memorandum of Agreement (MOA) niadtong Oktubre 8, 2026, sa Sitio Mabuhay, Barangay Capungagan, Kapalong, Davao del Norte.
Gisuportahan sa Department of Trade and Industry (DTI) Davao del Norte pinaagi sa RAPID Growth Project ang maong proyekto, diin nakadawat ang kooperatiba og tabang pinansiyal pinaagi sa Matching Grant alang sa pagtukod sa pasilidad.
Tumong sa bodega nga mapaayo ang pagtipig, pagdumala ug pagproseso sa cacao, ingon man ang pagtipon sa mga ani sa mag-uuma ug pagpalig-on sa koneksyon sa merkado aron mas mapadali ang pagbaligya sa ilang mga produkto.
Gitambongan ang kalihokan ni DTI Provincial Director Atty. Zerline T. Balleque, kauban ang mga opisyal sa Department of Agriculture, lokal ug provincial nga panggamhanan, ug uban pang kaabag.
Gilauman nga makatabang ang proyekto sa pagpalambo sa panginabuhian sa mga mag-uuma ug sa pagtukod og mas lig-on ug malungtarong industriya sa cacao sa lungsod sa Kapalong.
Photo Courtesy: DTI Davao del Norte
