Gipahigayon sa Forestancia Resort sa Malangas, Zamboanga Sibugay ang ZAMPENSULA LDRRMO Convergence Summit 2026 nga nagtigom sa mga lider, practitioners ug stakeholders sa disaster risk reduction gikan sa nagkadaiyang bahin sa rehiyon.
Gidala sa tulo ka adlaw nga summit, gikan Oktubre 7 hangtod 9, 2026, ang tema nga “ZAMPENSULA 2026: Converging for Resilience, Strengthening Preparedness, Fostering Partnerships, and Advancing Local Action.”
Tumong sa kalihukan nga mapalig-on ang kahandaan ug kapasidad sa mga lokal nga panggamhanan ug disaster risk reduction offices sa pag-atubang ug pagtubag sa mga kalamidad ug emerhensya.
Gipasiugda usab sa summit ang kamahinungdanon sa panagtambayayong tali sa mga lokal nga panggamhanan, disaster risk reduction practitioners ug mga stakeholder aron mas mapalambo ang koordinasyon panahon sa mga emerhensya.
Gipasalamatan usab ang mga partisipante gikan sa nagkadaiyang lugar nga mitambong aron ipaambit ang ilang mga kasinatian, pamaagi ug mga inisyatiba alang sa disaster preparedness ug resilience.
Si Provincial Governor Ann K. Hofer mao ang Guest of Honor and Speaker sa maong kalihukan, diin gipasiugda ang kamahinungdanon sa proactive nga lokal nga pangdumala, disaster resilience ug kaluwasan sa mga komunidad.
Pinaagi sa maong convergence summit, gilauman nga mas mapalig-on ang hiniusang kahandaan, koordinasyon ug aksyon sa mga komunidad sa ZAMPENSULA aron makamugna og mas luwas, mas lig-on ug mas resilient nga mga komunidad.
