Gipangulohan ni Governor Ann K. Hofer, uban ni Provincial Administrator Atty. Christian Jay Millena, ang pagdawat sa mga representante sa Air Force Reserve Command o AFRC – 6th Air Reserve Center sa Philippine Air Force atol sa ilang courtesy visit sa Provincial Capitol sa Zamboanga Sibugay.
Sa maong panagkita, gipasiugda ang pagpalig-on sa kooperasyon tali sa provincial government ug Philippine Air Force alang sa community defense, disaster preparedness ug response, ingon man sa mga inisyatiba para sa kalinaw sa probinsya.
Pinaagi sa padayong koordinasyon ug panagtambayayong sa mga ahensya sa gobyerno ug security sector, gilauman nga mas mapalig-on ang kahandaan sa probinsya sa pag-atubang sa mga kalamidad ug uban pang hulga sa seguridad.
Tumong sa maong partnership ang pagpalambo sa usa ka mas luwas, mas lig-on ug mas andam nga Zamboanga Sibugay alang sa mga residente niini.
