Nasikop ang usa ka lalaki nga nagpalusot sa drogang shabu sa hiniusang pwersa sa kapulisan sa pagpanguna sa Iligan City Police Station 5 (ICPS5), Iligan City Mobile Force Company (ICMFC) ug Philippine Drug Enforcement Agency (PDEA) 10 atol sa operasyon sa may alas 10:24 sa buntag niadtong Oktubre 6, 2026 sa Purok 2, Barangay Saray, Iligan City.
Subay sa report, ang maong operasyon misangpot sa pagdakop sa usa ka lalaki human nakapalit ang mga Police Officer og gituohang ilegal nga droga gikan sa maong suspek isip kabahin sa buy-bust transaction.
Human sa transaksyon, gilayon nga gidakop sa mga operatiba ang suspek.
Sa pagkakaron, ang suspek anaa sa kustodiya sa ICPS5 alang sa hustong pagproseso ug pagpasaka sa tukmang kaso tungod sa giingong paglapas sa Republic Act No. 9165 o Comprehensive Dangerous Drugs Act of 2002.
Photo Courtesy: ICPOS5
