Dakpan sa mga kaupulisan ang usa ka indibidwal nga giilang si alyas Roy, hingkod ang pangidaron, single ug walay trabaho nga residente sa Barangay 85, San Jose, Tacloban City gidakop tungod sa sa paglapas sa Republic Act 8484. Nadakpan ang maong suspetsado atol sa gipahigayong joint Tracker Team sa Palo Municipal Police Station o Palo MPS, kauban ang mga personnel sa Regional Anti-Cybercrime Unit 8 o RACU8 niadtong nakalabay nga adlaw.
Matud pa sa mga kapulisan, gidakop ang suspetsado pinaagi sa usa ka warrant of arrest tungod sa paglapas sa Republic Act 8484 o Access Devices Regulation Act of 1998 nga adunay girekomendar nga piyansa nga 20 mil pesos alang sa iyang temporaryong kagawasan.
Sa pagdakop gipahibalo ang suspetsado sa hinungdan sa iyang pagka aresto ug sa iyang mga katungod ubos sa Miranda Doctrine sa pinulungan nga iyang nasabtan. Human sa dokumentasyon, gitugyan siya sa kustodiya sa Palo Municipal Police Station alang sa hustong disposisyon ug pag-atubang sa korte.
