Nagpadayon ang Tricycle Franchising and Regulatory Division sa syudad sa Mati sa pagdawat og mga aplikasyon alang sa prangkisa sa Pedicab ug Bao-Bao, isip kabahin sa pag-organisa ug pag-regulate sa pampublikong transportasyon sa syudad.
Adunay 500 ka bakanteng slots alang sa Bao-Bao o Tricycab, samtang 300 ka slots alang sa pedicab ang gitanyag alang sa mga interesado ug kwalipikadong aplikante.
Giawhag ang mga gustong moaplay nga mobisita sa TFRD Office sa City Hall sa Mati aron makuha ang kompletong impormasyon bahin sa mga requirements, proseso sa aplikasyon ug uban pang detalye.
Ang maong programa gitumong sa pagtabang sa pagpalambo sa hapsay, luwas ug organisadong transportasyon sa syudad alang sa mga drayber, operator ug mga pasahero.
Photo courtesy: TFRD
