Gipahibalo sa Bureau of Jail Management and Penology kun BJMP Lupon District Jail nga magpahigayon sila og nagkadaiyang community engagement activities isip kabahin sa selebrasyon sa 15th Community Relations Service kun CRS Month.
Matod pa ni Jail Officer 1 Dan T. Gonzales nga lakip sa ilang mga kalihokan ang pagpahigayon og coastal clean-up drive, bloodletting activity ug uban pang mga kalihokan nga nagtumong sa pagpalig-on sa ilang relasyon ug pakigtambayayong sa komunidad.
Pinaagi sa maong mga kalihokan, gitinguha sa BJMP Lupon nga mapalapdan ang ilang partisipasyon sa mga inisyatibo nga makatabang sa pagpalambo sa kahimtang sa komunidad, ingon man sa pagpalig-on sa espiritu sa boluntaryong pagserbisyo ug panaghiusa sa katawhan.
Samtang, gilauman nga pinaagi sa padayon nga community engagement, mas mapalig-on ang kooperasyon ug pagsinabtanay tali sa BJMP ug sa mga komunidad.
