Gipahigayon niadtong Oktubre 8, 2026 ang Blessing and Dedication sa duha ka relay station sa Juander Radyo Mati nga nahimutang sa Barangay Abijod, Cateel, ug Barangay San Isidro, Manay, Davao Oriental.
Gipangunahan ang maong kalihokan ni Cesamel De Asis, Station Manager, uban ni Pastor Ronil Osong, diin gihimo ang pag-ampo ug pagpanalangin alang sa duha ka relay station.
Ang maong pagblessing nagpakita sa pagpasalamat ug pag-ila sa Ginoo alang sa iyang walay puas nga panalangin, paggiya ug pag-atiman sa padayong misyon sa estasyon.
Samtang, gilauman nga ang duha ka relay station mahimong mas lig-on nga tulay sa paghatod sa tukma, matinud-anon ug mapuslanong impormasyon, ingon man sa paghatag og kalingawan ngadto sa komunidad nga nasakop sa serbisyo sa Juander Radyo Mati.
