Aktibong nakigbahin ang Coast Guard Sub-Station (CGSS) Governor Generoso sa Coastal Clean-Up Activity niadtong Oktubre 8, 2026, sa baybayon sa Barangay Tamban, Governor Generoso, Davao Oriental.
Gipangulohan kini ni MFARMC Chairman Mr. Oliver Rapal, uban sa MENRO, MAO, ug sa 14 ka Coastal BFARMCs sa lungsod aron mapalambo ang kalimpyo ug mapanalipdan ang kadagatan.
Nagtinabangay ang mga representante sa nagkalainlaing ahensya ug organisasyon sa pagpangolekta ug pagtangtang sa mga basura ug mga sagbot sa baybayon. Human sa kalihokan, gipahigayon ang binulang regular nga tigom nga gitambongan ni ENS LOUIS MARK M. SANGILAN PCG, Sub-Station Commander sa CGSS Governor Generoso, aron hisgotan ang mga lakang sa pagpanalipod ug pagdumala sa mga kahinguhaan sa kadagatan.
Padayon nga gipakita sa CGSS Governor Generoso ang lig-ong pasalig sa pagpanalipod sa kalikupan pinaagi sa aktibong pakigtambayayong sa lokal nga panggamhanan ug sa komunidad. Pinaagi sa panaghiusa ug kooperasyon, mapadayon ang kalimpyo sa baybayon ug mapreserbar ang kadagatan alang sa umaabot nga mga henerasyon.
Photo courtesy: CGS-GOVGen
