Nangayo og klarong tubag ang pamilya ni Rexter Banal, 27-anyos, sa tinuod nga hinungdan sa iyang kamatayon human kini nakit-an nga patay sa usa ka hotel sa Pampangga, Davao City, niadtong Oktubre 5, 2026.
Sumala sa iyang live-in partner nga si Rose Marie Felicitas, gidudahang nahilo si Rexter, apan cardiac arrest ang nakarekord sa hospital record isip hinungdan sa kamatayon.
Gikwestyon usab sa pamilya ang mga samad ug uban pang nakitang timailhan sa lawas sa biktima, nga ilang gustong mapasabot pinaagi sa dugang nga pagsusi.
Gipangayo sa pamilya ang hingpit nga pagpatin-aw sa mga panghitabo sa wala pa mamatay si Rexter, lakip ang insidente sa bangag ug kon kinsa ang misulay sa pagluwas kaniya.
Photo courtesy: DCPO
