Arestado ang usa ka 67-anyos nga babaye nga giilag si alyas “Lorna,” usa ka incumbent punong barangay ug residente sa San Julian, Eastern Samar atol sa gipahigayong operasyon sa kapulisan didto sa Barangay Bunacan, San Julian, Eastern Samar niadtong nakalabay nga adlaw.
Atol sa operasyon sa kapulisan, nasikop ang suspek pinasikad sa warrant of arrest nga gipetsahan niadtong Oktubre 1, 2026, alang sa walo ka ihap sa Failure of Accountable Officer to Render Accounts ubos sa Article 218 sa Revised Penal Code. Ang mga kaso adunay kinatibuk-ang girekomendar nga piyansa nga mokabat sa 144 mil pesos.
Human sa pagdakop, gipahibalo ang dinakpan sa hinungdan sa iyang pagdakop ug sa iyang katungod ubos sa konstitusyon sa pinulongan nga iyang nasabtan.
Gipasiugda usab ni Cardiño ang kamahinungdanon sa padayong intelligence-driven operations ug lig-on nga koordinasyon sa pagpatuman sa mga warrant, samtang gisiguro ang hustong proseso ug pagsunod sa balaod.
Sa pagkakaron, anaa na sa kostodiya sa kapulisan ang suspek alang sa tukmang imbestigasyon ug hustong disposisyon.
Photo Courtesy: PRO-8
