Nakabsan sa kinabuhi ang usa ka Philippine Eagle human giingong nakuryentihan sa power line sa Barangay Libertad, Arakan, Cotabato niadtong Oktubre 4, 2026. Nakumpirma sa DENR-CENRO Matalam ug Municipal ENRO Arakan nga ang langgam adunay mga marka sa pagkasunog tungod sa kuryente.
Gidala ang patay nga agila sa Philippine Eagle Foundation alang sa necropsy, diin nasuta usab ang duha ka air-gun pellets sa lawas, lakip ang usa sa bag-ong samad.
Nagpakita kini nga posible usab kini nga gipusil sa wala pa kini namatay. Nanawagan ang DENR-12 sa publiko nga tabangan ang pagpanalipod sa Philippine Eagle ug uban pang nameligro nga wildlife.
Gidasig usab ang tanan nga ireport dayon sa hingtungdang ahensya o lokal nga awtoridad ang mga wildlife nga nasamdan, nanginahanglan og tabang o nakit-ang patay aron maatiman ug maimbestigahan dayon.
