Nanguna ang DOLE-12 sa tibuok nasud sa implementasyon sa Tulong Panghanapbuhay sa Ating Disadvantaged Workers o TUPAD ug Kabuhayan Program, human hatagan og recognition sa 2026 National Kabuhayan Awards sa Davao City. Lakip sa mga naangkon sa rehiyon ang second runner-up finish sa Tinalon Farmers Association sa Sultan Kudarat sa Group Category, samtang naka-Top 5 si Johnny Narciso Nambong sa Kidapawan City sa Individual Category.
Matud sa DOLE, dili lang ang gidaghanon sa mga natabangan ang sukdanan sa kalampusan sa programa, kundili kung nakahatag ba kini og lig-on nga panginabuhi, nakapadayon sa negosyo ug nakamugna og trabaho. Giingon ni DOLE-12 Regional Director Imelda Gatinao nga ang maong recognition resulta sa hiniusang paningkamot sa ilang mga personnel ug partners sa paghatod sa employment ug livelihood assistance ngadto sa mga trabahante ug komunidad.
DOLE Region 12 SOCCSKSARGEN
