Deritsong nakatulog sa bermuda nga bahin ang usa ka lalaki human nga nadisgrasya didto sa Barangay Pundaguitan, Governor Generoso, Davao Oriental pasado alas 9:00 sa milabay nga gabii.
Sumala sa mga taho, nasayran nga gikan sa panagtapok ang biktima kinsa lango sa ilimnong makahubog ug gipugos niini nga magmaneho sa iyahang motorsiklo nga walay suga.
Nasayran nga kusog ang padagan niini ug wala na kakontrol sa iyang gimanehuan, nga miresulta sa iyang pagkadisgrasya. Gani, una nang gibadlong ang maong lalaki nga dili na pugson ang kaugalingon, apan wala kini nagpakabana.
Sa pagkakaron ang biktima anaa na sa balay tambalanan alang sa medikal nga pag-atiman. Samtang nagpahimangno usab ang mga otoridad ngadto sa publiko nga likayan ang pagmaneho kung lango sa ilimnong makahubog aron nga malikayan ang dugang peligro.
Photo courtest: Marlon Burlado Delcampo
