Nadakpan sa mga kapulisan sa Banaybanay Municipal Police Station ang usa ka Other Wanted Person atol sa manhunt operation ug pagpatuman sa warrant of arrest sa Purok 4, Barangay Poblacion, Banaybanay, Davao Oriental.
Gipangulohan ang Banaybanay MPS ni PMAJ Kevin E. Pamaos-ACOP. Ang tracker team sa Banaybanay MPS maoy mipatuman sa pagdakop batok sa akusado pinasikad sa warrant of arrest nga may kalabotan sa kasong qualified theft.
Human sa operasyon, ang nadakpan gidala ug nagpabilin ubos sa kustodiya sa Banaybanay MPS alang sa hustong disposisyon ug pagpadayon sa angay nga legal nga proseso. Ang maong operasyon kabahin sa padayong manhunt efforts sa Philippine National Police batok sa mga wanted person nga adunay mga kasong kriminal.
Kini nahiuyon usab sa PNP Focused Agenda ni Chief PNP PGEN Jose Melencio C. Nartatez Jr., nga nagtutok sa pagpalig-on sa police operations ug paghatag og mas responsive ug accountable nga serbisyo ngadto sa publiko.
Photo courtesy: Banay Banay MPS
