Nagpahigayon og Drug Awareness Symposium ang mga personahe sa Baganga Municipal Police Station sa Barangay Central Elementary School, Baganga, Davao Oriental niadtong Oktubre 6, 2026.
Gipangunahan ang maong kalihokan ni PAT Angelo Mose Padodog, Investigator, ubos sa pagdumala ni PCPT Roy L. Englisa, Officer-in-Charge sa Baganga MPS, diin gitambongan kini sa mga ginikanan sa mga estudyante.
Tumong sa maong kalihokan ang paghatag og dugang kahibalo sa mga ginikanan kabahin sa makadaot nga epekto ug mga peligro nga dala sa paggamit sa ilegal nga droga ingon man gidasig sila nga aktibong moapil sa paggiya, pagmonitor ug pagpanalipod sa ilang mga anak batok sa mga kalihokan nga may kalabotan sa ilegal nga droga.
Samtang gipasiugda usab sa kapulisan nga importante ang aktibong papel sa mga ginikanan sa pagpalig-on sa disiplina, husto nga paggiya ug paghimog maayong desisyon sa mga kabataan aron malikayan ang pag-apil nila sa ilegal nga kalihokan.
Photo courtesy: Baganga Municipal Police Station
