Wala na kaikyas pa sa mga otoridad ang duha ka lalaki human nadakpan atol sa gilusad nga drug buy bust operation pasado alas 10:10 sa gabii, niadtong Oktubre 6, 2026 didto sa Prk. Panaghiusa-1, Capitol Hills, Barangay Central, Mati City, Davao Oriental.
Ang mga dinakpan giila nga sila alyas “Bobong”, minyo, 44 anyos ug alyas Nikko, 41 anyos, minyo, walay trabaho ug pulos mga residente sa maong lugar. Nakuha gikan kanila ang kinatibuk-ang unom ka pakete sa gitouhang shabu nga gibana banaang mutimbang sa 6.642 gramos ug adunay standard drug price nga Php42,581.00.
Samtang nakumpiska usab ang usa ka transparent nga plastik nga cellophane, usa ka walay sulod nga pakete sa sigarilyo, usa ka P500 nga buy bust money ug usa ka National ID. Gihimo ang operasyon pinaagi sa mga personahe sa Mati City Police Station, kauban ang mga sakop sa PIU DOPPO ug PDEA DOPO.
Sa pagkakaron mag atubang ang mga suspek ug kasong paglapas sa RA 9165 kun Comprehensive Dangerous Drugs Act of 2002 ug gikustodiya na sila sa kapulisan alang hustong disposisyon.
Photo courtesy: Mati CPS
