Padayon nga gipahigayon sa Caraga, Davao Oriental ang Integrated Coastal Resources Management Planning Workshop nga gisugdan niadtong Oktubre 6 ug mulongtad karong Oktubre 9, 2026.
Gilusad ang maong kalihokan uban sa DENR-Community Environment and Natural Resources Office, Bureau of Fisheries and Aquatic Resources kun BFAR, Department of the Interior and Local Government, ug sa Local Government Unit sa Caraga.
Gitigom sa maong workshop ang mga nag-unang ahensya sa gobyerno ug lokal nga mga hingtungdan aron mapalig-on ang koordinasyon ug hiniusang pagplano alang sa malungtarong pagdumala sa mga kahinguhaan sa baybayon ug kadagatan.
Tumong usab niini aron sa paghimo og hiniusang mga estratehiya alang sa pagpanalipod sa kinaiyahan ug pagpalig-on sa katakus sa komunidad batok na sa epekto sa climate change.
Photo courtesy: Municipality of Caraga
