Andam na alang sa operasyon ang Super Health Center sa Baganga, Davao Oriental human gipahigayon ang staff meeting isip kabahin sa pagpangandam sa pormal nga pagsugod sa mga serbisyo niini.
Gitambongan ang maong tigom sa mga representante sa Municipal Health Office kun MHO, uban sa Municipal Mayor ug Municipal Administrator ug gisusi ang mga suplay, kagamitan ug uban pang panginahanglanon aron masiguro ang hapsay ug epektibong paghatag sa mga serbisyo panglawas ngadto sa mga residente.
Sumala sa lokal nga panggamhanan sa Baganga nga magsugod ang operasyon sa Super Health Center karong umaabot nga Oktubre 12, 2026, samtang ang Turnover Ceremony niini ipahigayon usab karung Oktubre 24, 2026.
Samtang lauman nga ang pag-abli sa maong pasilidad makatabang sa pagpalapad ug pagpa-duol sa mga serbisyong panglawas ngadto sa mga lumulupyo sa Baganga.
Photo Courtesy: LGU Baganga
