Gipalig-on ang koordinasyon ug kolaborasyon tali sa kapulisan ug mga opisyal sa barangay sa Cateel, Davao Oriental pinaagi sa usa ka tigom sa Association of Barangay Captains kun ABC niadtong milabay nga adlaw.
Ang maong tigom gipangunahan sa Municipal Government Local Operations Officer nga aktibo usab nga gitambongan sa mga personahe sa Cateel Municipal Police Station kauban ang mga Punong Barangay sa nagkadaiyang barangay sa maong munisipyo.
Atol sa maong kalihokan, gihisgutan ang nagkadaiyang mga isyu kalabot na sa pagdumala sa barangay ug mga kalihokan sa komunidad, lakip na ang koordinasyon tali sa PNP ug mga opisyal sa barangay. Gani, gihisgutan usab ang pagpatuman sa Republic Act No. 4136 kun Land Transportation and Traffic Code, ang pagpatuman sa curfew, ug uban pang mga isyu nga may kalabotan sa kalinaw.
Pinaagi sa maong padayon nga koordinasyon, gilauman nga mas mapalig-on pa ang hiniusang paningkamot sa kapulisan ug sa mga barangay officials alang sa pagmintinar sa kalinaw, kahusay ug kaluwasan sa tanang residente sa Cateel.
Photo courtesy: Cateel Municipal Police Station
